Dialogue » 44 » Sealskin mitts

Juanasi:
Miali, ippatsaq pualuukkik uvattinnut qimanniravigik?ᒥᐊᓕ, ᐃᑉᐸᑦᓴᖅ ᐳᐊᓘᒃᑭᒃ ᐅᕙᑦᑎᓐᓄᑦ ᕿᒪᓐᓂᕋᕕᒋᒃ? Mary, did you leave your mitts at our place yesterday?
Miali:
Asu. Ullaaq uvattinni qiniqqaugaluarakkik takuqqaunngitaakka. Sunauvva ilitsinnut qimattaminiikkak. Qujannamiik.ᐊᓱ. ᐅᓪᓛᖅ ᐅᕙᑦᑎᓐᓂ ᕿᓂᖅᑲᐅᒐᓗᐊᕋᒃᑭᒃ ᑕᑯᖅᑲᐅᙱᑖᒃᑲ. ᓱᓇᐅᕝᕙ ᐃᓕᑦᓯᓐᓄᑦ ᕿᒪᑦᑕᒥᓃᒃᑲᒃ. ᖁᔭᓐᓇᒦᒃ.Oh. This morning I was looking for them at my place but I didn't see them. I must have left them at your place. Thanks.
Juanasi:
Ilaali. Taikkuattauq kamiikkik piujualuuk. Sanajaminiikkik? ᐃᓛᓕ. ᑕᐃᒃᑯᐊᑦᑕᐅᖅ ᑲᒦᒃᑭᒃ ᐱᐅᔪᐊᓘᒃ. ᓴᓇᔭᒥᓃᒃᑭᒃ?Your welcome. Also, your kamiik are beautiful. Did you make them yourself?
Miali:
Aaggai. Ukuak kamiikkak anaanama miqsuqtaminingik. Quviasuusiarijujaakkak anaanannit. ᐋᒡᒐᐃ. ᐅᑯᐊᒃ ᑲᒦᒃᑲᒃ ᐊᓈᓇᒪ ᒥᖅᓱᖅᑕᒥᓂᖏᒃ. ᖁᕕᐊᓲᓯᐊᕆᔪᔮᒃᑲᒃ ᐊᓈᓇᓐᓂᑦ. No, these kamiik were made by my mother. They were a gift from my mother.
Juanasi:
Asukuluk. Anaanait miqsuqsitialuk. Pualutaarumagaluarama qisiinnik. Anaanait apirigunnaqqiuk uvannut pualuliurunnarmangaaq? ᐊᓱᑯᓗᒃ. ᐊᓈᓇᐃᑦ ᒥᖅᓱᖅᓯᑎᐊᓗᒃ. ᐳᐊᓗᑖᕈᒪᒐᓗᐊᕋᒪ ᕿᓰᓐᓂᒃ. ᐊᓈᓇᐃᑦ ᐊᐱᕆᒍᓐᓇᖅᑭᐅᒃ ᐅᕙᓐᓄᑦ ᐳᐊᓗᓕᐅᕈᓐᓇᕐᒪᖔᖅ?I see. Your mother is an excellent sewer. I would like to get a pair of sealskin mitts. Could you ask your mother if she could make some mitts for me?
Miali:
ii, maanna uqaalavigilirlagu?ᐄ, ᒫᓐᓇ ᐅᖄᓚᕕᒋᓕᕐᓚᒍ? Yes, shall I call her now?
Juanasi:
ii, atii. ᐄ, ᐊᑏ.Yes, please.
Miali:
ii, ilinnugguuq pualuliurunnaqtuq. Pualussaakkik amiaqaquvigik uvvalu amiaqanngittuunnik?ᐄ, ᐃᓕᓐᓄᒡᒎᖅ ᐳᐊᓗᓕᐅᕈᓐᓇᖅᑐᖅ. ᐳᐊᓗᔅᓵᒃᑭᒃ ᐊᒥᐊᖃᖁᕕᒋᒃ ᐅᕝᕙᓗ ᐊᒥᐊᖃᙱᑦᑑᓐᓂᒃ? Yes, she says that she could make some mitts for you. Do you want coloured skin or natural colour?
Juanasi:
ii, amiaqanngittuunnik pualutaarumajunga piugigakkit amiaqanngittut.  ᐄ, ᐊᒥᐊᖃᙱᑦᑑᓐᓂᒃ ᐳᐊᓗᑖᕈᒪᔪᖓ ᐱᐅᒋᒐᒃᑭᑦ ᐊᒥᐊᖃᙱᑦᑐᑦ.Ah yes, I would like natural (colourless) mitts. I like natural ones.
Miali:
Aiqqarvaak uvvalu naittuulugik?ᐊᐃᖅᑲᕐᕚᒃ ᐅᕝᕙᓗ ᓇᐃᑦᑑᓗᒋᒃ? Long ones or short ones?
Juanasi:
Aiqqarvaannik pualutaarumajunga qamutaujaliraiguma atuqattalaarakkik. ᐊᐃᖅᑲᕐᕚᓐᓂᒃ ᐳᐊᓗᑖᕈᒪᔪᖓ ᖃᒧᑕᐅᔭᓕᕋᐃᒍᒪ ᐊᑐᖃᑦᑕᓛᕋᒃᑭᒃ.I'd like to get long ones so that I can use them whenever I go skidooing.
Miali:
Asuapik. Anaanaga uqautiniaqqara qanuittunik pulutaarumammangaaqpit.ᐊᓱᐊᐱᒃ. ᐊᓈᓇᒐ ᐅᖃᐅᑎᓂᐊᖅᑲᕋ ᖃᓄᐃᑦᑐᓂᒃ ᐳᓗᑖᕈᒪᒻᒪᖔᕐᐱᑦ. Okay. I will tell my mother what kind of mitts you would like.