Dialogue » 52 » Out at the cabin

Juanasi:
Miali, aujaq qikarnauliqqat sulaaqqit?ᒥᐊᓕ, ᐊᐅᔭᖅ ᕿᑲᕐᓇᐅᓕᖅᑲᑦ ᓱᓛᖅᑭᑦ? Miali, what will you be doing when you are on holidays this summer?
Miali:
Aujaq qikarnauliqqat illuralaattinnuulaaqtugut ilakka piqatigilugit.ᐊᐅᔭᖅ ᕿᑲᕐᓇᐅᓕᖅᑲᑦ ᐃᓪᓗᕋᓛᑦᑎᓐᓅᓛᖅᑐᒍᑦ ᐃᓚᒃᑲ ᐱᖃᑎᒋᓗᒋᑦ.When I am on holidays this summer, I will be going to our cabin with my family.
Juanasi:
Asummariapik. Namiimmat illuralaasi? ᐊᓱᒻᒪᕆᐊᐱᒃ. ᓇᒦᒻᒪᑦ ᐃᓪᓗᕋᓛᓯ?I see. Where is your cabin?
Miali:
Avani akittinni Nunngarummi. ᐊᕙᓂ ᐊᑭᑦᑎᓐᓂ ᓄᙵᕈᒻᒥ. It's across from here, at Nunngarut.
Juanasi:
Asummarikuluk. Taavani kisutaqaqqa? ᐊᓱᒻᒪᕆᑯᓗᒃ. ᑖᕙᓂ ᑭᓱᑕᖃᖃ?That's nice. What is over there?
Miali:
Taavani iqalulik, ammuummajut, tuttuit, puijiit, paurngait, kuanniit, amma ilaanniikut qilalugaqtaqasuuq aivinillu. Malilaarumavit?ᑖᕙᓂ ᐃᖃᓗᓕᒃ, ᐊᒻᒨᒻᒪᔪᑦ, ᑐᑦᑐᐃᑦ, ᐳᐃᔩᑦ, ᐸᐅᕐᖓᐃᑦ, ᑯᐊᓐᓃᑦ, ᐊᒻᒪ ᐃᓛᓐᓃᑯᑦ ᕿᓚᓗᒐᖅᑕᖃᓲᖅ ᐊᐃᕕᓂᓪᓗ. ᒪᓕᓛᕈᒪᕕᑦ? In that area there are char, clams, caribou, sea mammals, berries, seaweed and sometimes beluga and walrus. Will you want to tag along?
Juanasi:
Alianait. Malilaarumajunga. Qilanaarnaq. Aamma arraagulimaaq tuttulaunngittunga. Tuttusiulaarumajunga taavani. Tupiggiriaqalaaqqunga? ᐊᓕᐊᓇᐃᑦ. ᒪᓕᓛᕈᒪᔪᖓ. ᕿᓚᓈᕐᓇᖅ. ᐋᒻᒪ ᐊᕐᕌᒍᓕᒫᖅ ᑐᑦᑐᓚᐅᙱᑦᑐᖓ. ᑐᑦᑐᓯᐅᓛᕈᒪᔪᖓ ᑖᕙᓂ. ᑐᐱᒡᒋᕆᐊᖃᓛᖅᑯᖓ?That would be wonderful. I want to come. I am looking forward to it. And I haven't caught a caribou all year. I would like to go caribou hunting there. Will I need to bring a tent?
Miali:
Ii, tupiggiruviqqai naammaniqsaulaaqtuq. Ilatit malilaaqqat?ᐄ, ᑐᐱᒡᒋᕈᕕᖅᑲᐃ ᓈᒻᒪᓂᖅᓴᐅᓛᖅᑐᖅ. ᐃᓚᑎᑦ ᒪᓕᓛᖅᑲᑦ? Yes, it would be better if you brought your tent. Will your family be coming along?
Juanasi:
Apiriniaqqakka angirraruma. Maligumalaaqtut nalunanngittuq. Namminirli umiaqaqtunga. ᐊᐱᕆᓂᐊᖅᑲᒃᑲ ᐊᖏᕐᕋᕈᒪ. ᒪᓕᒍᒪᓛᖅᑐᑦ ᓇᓗᓇᙱᑦᑐᖅ. ᓇᒻᒥᓂᕐᓕ ᐅᒥᐊᖃᖅᑐᖓ. I will ask them when I get home. They will want to come for sure. I have my own boat, too.
Miali:
Asummarikuluk. Alianait nunaqqatiqalaaqtugut aujaq. ᐊᓱᒻᒪᕆᑯᓗᒃ. ᐊᓕᐊᓇᐃᑦ ᓄᓇᖅᑲᑎᖃᓛᖅᑐᒍᑦ ᐊᐅᔭᖅ. Alright. It will be great to be camping together this summer!
Juanasi:
Aiihailaak. Alianait. Qujannamiik. ᐄᕼᐊᐃᓛᒃ. ᐊᓕᐊᓇᐃᑦ. ᖁᔭᓐᓇᒦᒃ.Yes, indeed! Awesome! Thank you.
Miali:
Ivvillu. ᐃᕝᕕᓪᓗ. You too.