Dialogue » 32 » Family reunion

Amaruq:
Najakuluk, parnaliqqit?ᓇᔭᑯᓗᒃ, ᐸᕐᓇᓕᖅᑭᑦ?Sister,are you getting ready for your trip?
Mini:
Anikulungai. ii, parnasijunga.ᐊᓂᑯᓗᖓᐃ. ᐄ, ᐸᕐᓇᓯᔪᖓ.Hey brother. Yes I am preparing.
Amaruq:
Asuapittauq. Quvianaalungai ataatatsiatta nunaminaapinganuulaaratta ilajaagiitigut. ᐊᓱᐊᐱᑦᑕᐅᖅ. ᖁᕕᐊᓈᓗᖓᐃ ᐊᑖᑕᑦᓯᑦᑕ ᓄᓇᒥᓈᐱᖓᓅᓛᕋᑦᑕ ᐃᓚᔮᒌᑎᒍᑦ.Hey, me too. Isn't it exciting that we are going to our grandfather's old camping site
Mini:
Aahaillaak, irnikukka ukuakulukkukka malilaarmijuuk ammalu irngutakka.ᐋᕼᐊᐃᓪᓛᒃ, ᐃᕐᓂᑯᒃᑲ ᐅᑯᐊᑯᓗᒃᑯᒃᑲ ᒪᓕᓛᕐᒥᔫᒃ ᐊᒻᒪᓗ ᐃᕐᖑᑕᒃᑲ. Indeed, my sons and their wives will be coming along as well as my grandchildren.
Amaruq:
Asuapik, anaanakkumattauq tamarmik qiturngangit irngutangillu atangirniusajugut. ᐊᓱᐊᐱᒃ, ᐊᓈᓇᒃᑯᒪᑦᑕᐅᖅ ᑕᒪᕐᒥᒃ ᕿᑐᕐᖓᖏᑦ ᐃᕐᖑᑕᖏᓪᓗ ᐊᑕᖏᕐᓂᐅᓴᔪᒍᑦ.I see. All of my mother's family, their children and grandchildren, all of us will be there.
Mini:
Alianait! Katimmakainnalaaqtuapiujugut aullaqsimaluta ummiakkut.ᐊᓕᐊᓇᐃᑦ! ᑲᑎᒻᒪᑲᐃᓐᓇᓛᖅᑐᐊᐱᐅᔪᒍᑦ ᐊᐅᓪᓚᖅᓯᒪᓗᑕ ᐅᒻᒥᐊᒃᑯᑦ. Awesome! We will all be together for a little bit when we are out camping by boat.
Amaruq:
ii, ajjiliuqtaugiaqalaaqtugut atangirluta ilajaagiitigut. ᐄ, ᐊᔾᔨᓕᐅᖅᑕᐅᒋᐊᖃᓛᖅᑐᒍᑦ ᐊᑕᖏᕐᓗᑕ ᐃᓚᔮᒌᑎᒍᑦ.Yes, we will have to have our picture taken - all of our extended family.
Mini:
 ii, ningaurma nukanga ajjiliurisikkaaq ilaulaarmijuq.ᐄ, ᓂᖓᐅᕐᒪ ᓄᑲᖓ ᐊᔾᔨᓕᐅᕆᓯᒃᑳᖅ ᐃᓚᐅᓛᕐᒥᔪᖅ. Yes, my son-in-law's younger brother is a professional photographer. He will also be coming.
Amaruq:
Asuapimmarik! Piulaaqtuviingaluk anaanavuk, anaanatsiavuk, ataatatsiavuk ajjiliuqtauliqpata kinguvaangillu. ᐊᓱᐊᐱᒻᒪᕆᒃ! ᐱᐅᓛᖅᑐᕖᖓᓗᒃ ᐊᓈᓇᕗᒃ, ᐊᓈᓇᑦᓯᐊᕗᒃ, ᐊᑖᑕᑦᓯᐊᕗᒃ ᐊᔾᔨᓕᐅᖅᑕᐅᓕᖅᐸᑕ ᑭᖑᕚᖏᓪᓗ.Excellent! It is going to be so good. Our mother, our grandmother, our grandfather, they will finally have their photo taken along with their decendents.
Mini:
iiraapik. Siaruttauq anikuluk.ᐄᕌᐱᒃ. ᓯᐊᕈᑦᑕᐅᖅ ᐊᓂᑯᓗᒃ. Yes, indeed. See you later, brother.